Ugwetshiwe umama owabulala 5 wezingane
2012-11-13 16:25
Bloemfontein - Inkantolo eNkulu eNorth West imgwebe iminyaka engu-12 ebhadla ejele umama owabulala izingane zakhe ezinhlanu, ezine kuzo azigwaza kwathi eyodwa wayiminzisa.
Ijaji uRonald Hendricks ugwebe uVenolia Siwa, 35, iminyaka engu-12 ngengane ngayinye, izigwebo uzosidonsa ngesikhathi esisodwa.
USiwa wazivumela yena la macala ngoSeptemba, wabulala izingane esemngceleni ePampierstad, phakathi kweNorthern Cape neNorth West, ngo-2011.
Esitatimendeni sakhe uthe wagwaza entanyeni izingane ezine, esebenzisa umese wasekhishini, ingane eyodwa wayiminzisa.
Okhulumela abakwaLegal Aid, eNorth West, uThotoane Shale, uqinisekise lesi sigwebo.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter
(@IzindabaNews24).
