Ugwetshiwe owadlwengula isitshudeni
2012-12-03 16:36
Johannesburg - Ligwetshwe iminyaka eyisishiyagalombili ejele, ibhungu eladlwengula isitshudeni sase-University of Zululand, kusho amaphoyisa aKwaZulu-Natal ngoMsombuluko.
UMuziwandile Moses Zungu, 26, ulahlwe yicala lokudlwengula, wase egwetshwa eNkantolo yesiFunda eNgwelezane, kusho okhulumela amaphoyisa uCaptain Thulani Zwane.
Mhlaka-28 Febhuwari, umfundi oneminyaka engu-19 ubudala, wadlwengulwa nguZungu, engaphakathi emagcekeni enyuvesi.
"UZungu wazama ukushela kwathi uma engaqonywa wase edonsela intombazane kwelinye lamagumbi wafike wayidlwengula.” Kusho uZwane.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter
(@IzindabaNews24).
