'Ufele isikhundla sakhe uthishanhloko waseKZN'

2015-08-27 16:12

Durban – Uthishanhloko waseVilla Maria School eBishopstowe ngaseMgungundlovu ubulawe eMgungundlovu kuTable Mountain Road ngoLwesithathu.

UNokuthula Magwanyana,45, uphume esikoleni elibhekise ekhaya eMgungundlovu ngezithuba zabo-16:00 ngesikhathi ehlaselwa.

Umthombo wamaphoyisa uthe kukholakala ukuthi uMagwanyana, obeshayela imoto yohlobo lweChevrolet, uphoqwe yiqulu labalisa ukuba aphume emgwaqeni.

Kuthiwa leli qulu belilokhu limsabisa futhi lithi akesule esikhundleni sakhe.

Abosizo lokuqala bathole isicabha sivuliwe uMagwanyana ephakathi.

Funda nalolu daba: Itholakele ingane eyahlwithwa kunina emtholampilo

Kuthiwa ubenamanxeba cishe angu-8 okungwazwa emqaleni, emhlane nasebusweni.

Umthombo uthe uMagwanyana ubesanda kuvula icala lokwesatshiswa esiteshini samaphoyisa eBishopstowe, washo nokuthi angase abulawe.

Okhulumela amaphoyisa uMthokozisi Ngobese uthe bayaphenya.

Uthisha ofundisa esikoleni sikamufi, ongafunanga kudalulwe igama lakhe, uthe kunothisha nabazali ababengeneme ngokuqashwa kukaMagwanyana kulesi sikhundla ngo-2013.

UMagwanyana wayeyi-HOD ngaphambi kokuba aqashelwe kwesikathishanhloko, kubika iDaily News.

 

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24). 

- News 24

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 17-21°C Sunny. Cool. Pta: 18-33°C Sunny. Pleasantly warm.
Jhb: 17-29°C Morning clouds. Pleasantly warm. Bloem: 16-28°C a few tstorms. Morning clouds. Warm.
Dbn: 20-27°C Heavy rain. Breaks of sun late. Warm. PE: 14-19°C Passing showers. More clouds than sun. Cool.
Isibikezelo sezulu sezinsuku ezingu-7...