Udokotela uthweswe amacala angu-319

2012-12-13 14:02

Johannesburg - Udokotela esibhedlela iGeorge Mukhari, eNorth West, uthweswe amacala angu-319 enkohlakalo, kusho amaphoyisa ophiko loKlebe ngoLwesine.

"Sibophe udokotela oneminyaka engu-49 ubudala, usolwa ngokufaka amaphepha angamanga kuze ezokhokhelwa nguMnyango wezabaSebenzi. Lokhu kwenzeke phakathi kuka-2008 no-2012," kusho uCaptain Paul Ramaloko.

Umsolwa ubesebenza njengodokotela wezifo zonke esibhedlela eGa-Rankuwa, eNorth West, kuthiwa wafaka amaphepha angumgunyathi angu-99, ewahambisa eMnyangweni wezabaSebenzi, kwathi amanye angu-218 wawafaka kwaBonitas Medical Aid.

"Udokotela wayefaka izicelo ethi abasebenzi balimalele emsebenzini, kwamanye athi ubekade elapha iziguli. Imali ekhwatshanisiwe ilinganiselwa ku-500 000," kusho uRamaloko.

URamaloko uthi ngonyaka ka-1989 no-1991, umsolwa walahlwa ngamacala enkohlakalo efanayo, kulindeleke avele ngaphambi kweNkantolo ngoLwesine.



 

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).

- SAPA

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 12-15°C Mostly sunny. Cool. Pta: 14-27°C Sunny. Pleasantly warm.
Jhb: 9-21°C Sunny. Mild. Bloem: 4-18°C Sunny. Mild.
Dbn: 15-21°C Afternoon clouds. Cool. PE: 11-17°C Light rain. Morning clouds. Cool.
Isibikezelo sezulu sezinsuku ezingu-7...