Udilikajele kwababulale iphoyisa
2013-01-31 12:03
Bloemfontein - Bagixabezwe ngodilikajele abalisa ababili abasolwa ngokubulala iphoyisa eQwaqwa, ngesikhathi bevele eNkantolo yesiFunda yaseHarrismith, kusho amaphoyisa ngoLwesine.
USergeant Mmako Mophireng uthe uTeko Mphuti, 26, waseMokgotlong, eLesotho noMalefetsane Nhlapo, 36, waseMakeneng, eQwaqwa, bagwetshwe ngoLwesine ngokubulala uConstable Pule
Rasebakoa.
Ijaji uConnie Mocumie wengeze uMphuti ngeminyaka eyisishiyagalombili ngaphezulu, kwathi uNhlapo kwaba ngemihlanu ngokusebenzisa isihluku.
UMphuti uphinde wagwetshelwa ukungena kuleli ngokungemthetho.
URasebakoa waduka ngoMashi 8 nyakenye isidumbu sakhe saze satholakala ngoJuni 8 simbozwe ngamatshe ngasePhuthaditjhaba.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
- SAPA