Ubulewe ogxobe isikhothane

2012-11-29 14:05

Bloemfontein - Kuthe uma kungena ingoma emshaya ngaphakathi, uTshepo Ntahane, 23 wenza into yamehlo eshibhini edansa ezephula kanti kuzokwenzeka iphutha kunyatheleke isikhothane ebesigqoke i-carvela ka-R1 200.

UNtahane uxolisile wacabanga ukuthi isidlulile kanti cha isikhothane simlinde ngaphandle, wathi uma ephuma samdubula ekhanda.

Iphephandaba iDaily Sun lithe uNtahane ushonele esibhedlela iPelonomi, eBloemfontein.

Umngani kaTshepo uNkosinamandla Mokoena, uthi bebezijabulisa eshibhini ngesikhathi kungena ingoma ethandwa nguTshepo, iStokvel, eculwa nguMahoota.

“UTshepo ube esesukuma edansa, ngebhadi wanyathela isikhothane ngamateki akhe eSoviet. Uxolisile kodwa kwacaca ukuthi lona akanalo uxolo ngoba ube esemdubula ngesikhathi siphumela ngaphandle."

Umama kamufi uMpho Kgiba, uthe ufike eshibhini selidume ledlula.

Okhulumela amaphoyisa uConstable Masilela Langa uthe sekuvulwe idokodo lokubulala, akukaboshwa muntu.


 - Thola ezinye izindaba zeDaily Sun kumakhalekhukhwini wakho

 - Thola izindaba zeDaily Sun kuFacebook

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).


- Daily Sun

NEXT ON NEWS24 ISIZULUX

Ngathengela uMeyiwa iKFC - Khune

Emizuzwini eyi-24 edlule
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 13-23°C Morning clouds. Mild. Pta: 20-33°C Morning clouds. Pleasantly warm.
Jhb: 16-27°C Morning clouds. Warm. Bloem: 11-31°C High level clouds. Pleasantly warm.
Dbn: 17-19°C a few showers. More clouds than sun. Cool. PE: 14-19°C Morning clouds. Mild.
Isibikezelo sezulu sezinsuku ezingu-7...