News24.com
|   OLX  |   PriceCheck  |   Property24  |   Kalahari.com  |   Careers24

Uboshiwe odale ingozi ebulale abadlali bebhola

2012-11-12 12:02
Yabelani Shicilela

Johannesburg - Uboshiwe umshayeli weveni eshayisane netekisi ebithwele abadlali bebhola abashone ngesikhathi lezi zimoto zitholana phezulu emgwaqeni oseLimpopo, kusho umbiko wamaphoyisa ngoMsombuluko.

UBrigadier Hangwane Mulaudzi uthi umshayeli oneminyaka engu-36 ubudala, welashelwe amanxeba angatheni, ngemuva kwengozi.

Lona kumanje ubhekene necala lokushayela edle amanzi amponjwana kanye nelokushayela budedengu.

Abadlali bebhola abane bashonile ngesikhathi kwehla ingozi ku-R71 ngasePlokwane, ngeSonto ebusuku.

Abadlali bebhola abashonile bebedlalela iPolokwane City Football Club, bebephuma e-Oscar Mphetha Stadium, la bebedlala khona neFC AK, edlala kuNational First Division.

Abadlali abane bashonele endaweni yesehlakalo kwathi abayisikhombisa bangeniswa esibhedlela, umsolwa kulindeleke avele ngaphambi kweNkantolo yeMantshi yaseMankweng, ngoLwesibili.


 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).

- SAPA

Phawula kulolu daba
0 izimpawulo
Faka ukuphawula kwakho
avatar
Phuma
Phawula 0 izinhlamvu esezisele
Ezifundwe ukuzedlula zonke
Ezi-emailwe ukuzedlula zonke
Ezithasiselwe ukuzedlula zonke
Isimo sezulu
Emigwaqweni
iLotto
Cpt: 13-20°C Afternoon clouds. Mild. Pta: 8-23°C Sunny. Mild.
Jhb: 8-19°C Sunny. Mild. Bloem: 7-23°C Sunny. Mild.
Dbn: 16-27°C Sunny. Pleasantly warm. PE: 12-24°C High level clouds. Mild.
Isibikezelo sezulu sezinsuku ezingu-7...