Uboshiwe kwelokubulawa kwentombazane eKZN
2013-02-22 10:04
Durban - Kuboshwe indoda ngezinsolo zokudlwengula ibulale intombazane eNgwavuma, ngasemngceleni waseSwazini naseMozambique, kusho amaphoyisa aKwaZulu-Natal.
UCaptain Thulani Zwane uthe umsolwa utholakale ebhace kamalume wakhe.
Kuthiwa le ndoda yahlangana nale ngane, 13, igoduka ngoLwesibili olwedlule eJozini.
UZwane uthe kusolakala ukuthi umsolwa wadlwengula le ngane ngaphambi kokuyibulalela esikhotheni.
Le ngane yabe isibikwa njengomuntu olahlekile.
Amaphoyisa athola isidumbu sayo esasesiqala ukubola ngoMsombuluko.
UZwane uthe umsolwa ubekwe icala lokudlwengula nokubulala kanti uzovela eNkantolo yeMantshi yasoBombo kungekudala.
- Landela
IzindabaNews24 kuTwitter
- SAPA