UZuma uzonyuselwa umholo ngo-5%

2011-08-26 16:46

Johannesburg - Njengoba likhula inani leziteleka zabasebenzi abafuna ukunyuselwa amaholo kuleli, abaqashi nezinyunyana bengabhekani, uMengameli Jacob Zuma nabasebenzi bakhe bazonyusela amaholo ngo-5%, kubika isiteshi somsakazo i-East Coast Radio.

I-Independent Commission for Remuneration of Public Office Bearers iphakamise ukuthi lesi siphakamiso kumele siqale ukusebenza kubalwe kusukela ku-Ephreli.

Lokhu kuchaza ukuthi uZuma usezohola u-R2.4m ngonyaka kuthi iPhini likaMengameli lithole u-R2.2m.

Ongqongqoshe beKhabhinethi bazothola u-R1.5m, ondunankulu bathole u-R1.7m kuthi iziMeya zihole imali engaphansi kancane kuka-R1m.

– "Like" ikhasi lethu ku-Facebook uze ukwazi ukujoyina inkulumo ngolimi lwakho.

– Landela IzindabaNews24 kuTwitter (@IzindabaNews24).

- News24