UXingwana usamukele isigwebo sikaKubheka

2012-09-06 14:05

Johannesburg - UNgqongqoshe wezabesiFazane uLulu Xingwana ngoLwesine usamukele isigwebo sodilikajele ababili esinikwe owesilisa waseMpumulanga otholwe enecala lokubulala nokudlwengula ugogo wakhe.

"Kade sasinxusa izinkanto ukuba zinike isigwebo esinzima labo abatholwa benecala lokuhlukumeza izingane nabesifazane,” kusho uXingwana esitatimendeni.

"Lesi sigwebo sizogqugquzela ukulwisana nodlame olubhekiswe kwabesifazane nasezinganeni."

USipho Oupa Kubeka, 39, ugwetshwe odilikajele ngoLwesithathu yiNkantolo eNkulu yasePitoli ngokuhlasela ugogo wakhe, 92, uKonzaphi Elizabeth Kubeka ekhaya lakhe elingaseBuhlebuzile, KwaMhlanga, ngoSepthemba ngonyaka odlule.

Walivuma icala lokubulala nelokudlwengula, ube esegwetshwa ngoLwesithathu.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter


- SAPA

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 17-24°C Sunny. Mild. Pta: 17-32°C High level clouds. Pleasantly warm.
Jhb: 14-27°C Morning clouds. Pleasantly warm. Bloem: 15-30°C High level clouds. Pleasantly warm.
Dbn: 17-24°C Morning clouds. Mild. PE: 16-21°C Morning clouds. Mild.
Isibikezelo sezulu sezinsuku ezingu-7...