USexwale kuthiwa akangenelele kolwaseLenasia

2012-11-22 14:03

Johannesburg - IKhabhinethi seliyalele uNgqongqoshe woMnyango wezokuHlaliswa kwaBantu uTokyo Sexwale lathi akasebenzisane nohulumeni waseGauteng kulungiswe udaba lwabahlali baseLenasia.

"IKhabhinethi liyalele ungqongqoshe ukuthi akasebenzisane nohulumeni waseGauteng," kusho uNgqongqoshe wabesiFazane, iziNgane naBantu abaphila nokuKhubazeka uLulu Xingwana.

"IKhabhinethi lizwelana kakhulu nabantu ababhidlizelwe izindlu zabo balahlekelwa yizimali zabo, linqume ukuthi ungqongqoshe angenelele kuqinisekiswe ukuthi konke okuzokwenzeka kusukela manje kuyahambisana nomthetho."

Uhulumeni waseGauteng waqala uhlelo lokubhidliza izindlu zabahlali baseLenasia, ekuthiwa bazakha emhlabeni owathengiswa ngokungemthetho.

Zilanganiselwa ku-50 izindlu ezibhidliziwe, uhulumeni uhlela ukubhidliza ezinye ezingu-113.

Abahlali bathi umhlaba abakhe kuwo bawuthenga ngemali esukela ku-R2500 iya ku-R95 000, laba banikezwa amatayitela omgunyathi.





 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).



Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 13-18°C Sunny. Mild. Pta: 9-22°C Mostly sunny. Mild.
Jhb: 6-17°C Mostly sunny. Refreshingly cool. Bloem: 2-18°C Sunny. Mild.
Dbn: 13-24°C Sunny. Mild. PE: 9-24°C Sunny. Mild.
Isibikezelo sezulu sezinsuku ezingu-7...