UPutco uzonxephezela umndeni

2012-03-28 14:07

Johannesburg -  Inkampani yamabhasi iPutco izokwakha kabusha ingxenye yomuzi oshayiswe yibhasi layo eSoweto, lapho okushone khona abantu ababili, kusho uMnyango wezokuThutha ngoLwesithathu.

Lesi sethembiso senziwe kuNgqongqoshe wezokuThutha uSbu Ndebele, othe le nkampani kuzomele yenze uphenyo lwangaphakathi ukuze kotholakale imbangela yengozi.

Uthe iRoad Accident Fund iyona ezokhokha izindleko zomngcwabo zabashonile, amagama abo adalulwe ngabeSowetan ngokuthi bangoMike Motswiri, 44, nentombi yakhe uMathabiso Kamadi, 33.

UNdebele nabaphathi bakwaPutco bazohlangana nezihlobo zabashonile ngoLwesithathu.

Lezi zithandani zishone ngezikhathi zabo-06:00 ngoLwesibili ngesikhathi ibhasi lingena ekamelweni lendlu yazo eDobsonville.

Umshayeli uhlulekile ukulilawula ibhasi washayisa imoto ngaphambi kokungena endlini.

Kulimale abantu abangu-36, abane kubona balimale kabi.

Baphuthunyiswe ezibhedlala ezahlukene zasendaweni.

Okhulumela abakwaPutco uRaphiri Matsaneng uthe abanye abalimele badedelwe khona ngoLwesibili esibhedlela, kodwa umshayeli webhasi ungomunye wabasasele esibhedlela.


 - Landela IzindabaNews24 kuTwitter

- SAPA

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Ezifundwe ukuzedlula zonke
Ezi-emailwe ukuzedlula zonke
Ezithasiselwe ukuzedlula zonke
Isimo sezulu
Emigwaqweni
iLotto
Cpt: 17-23°C Morning clouds. Mild. Pta: 19-32°C Showers early. Morning clouds. Hot.
Jhb: 15-26°C Showers early. Morning clouds. Warm. Bloem: 13-31°C Sunny. Pleasantly warm.
Dbn: 17-24°C Showers early. Partly cloudy. Mild. PE: 18-22°C More sun than clouds. Cool.
Isibikezelo sezulu sezinsuku ezingu-7...