UPhiyega ukhathazekile ngokubulawa kwamaphoyisa

2013-01-09 15:14

Johannesburg - UKhomishana wamaPhoyisa uRiah Phiyega useveze ukukhathazeka kwakhe ngezigameko zokubulala ezihlanganisa amaphoyisa, esho lokhu ngemuva kwesigameko sokubulawa kwephoyisa kubanjwa inkunzi.

"Ungowokuqala oshonele emsebenzini onyakeni ka-2013, emaphoyiseni akwaSAPS," kusho isitatimende sikakhomishana.

UPhiyega uthi ukwanda kwezibhamu ezingekho emthethweni, kunomthelela ekubulaweni kwamaphoyisa.

Ube esencenga imiphakathi ukuthi ihlale iqaphele futhi isebenzisane namaphoyisa ukumpimpa izigcwelegcwele eziphatha izibhamu ezingekho emthethweni.

USergeant Molahlehi Ephraim Mokhasi, 41, udutshulwe wabulawa kubanjwa inkunzi eKopanong, ngoLwesibili.

Abasolwa ngalokhu kubulala, bazovela ngaphambi kwenkantolo ngoLwesine.
 



 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).



NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 17-27°C Sunny. Mild. Pta: 16-29°C a few showers. More sun than clouds. Pleasantly warm.
Jhb: 13-27°C Showers early. More sun than clouds. Pleasantly warm. Bloem: 16-29°C Showers early. Morning clouds. Pleasantly warm.
Dbn: 20-24°C Widely scattered tstorms. More clouds than sun. Mild. PE: 19-23°C Morning clouds. Mild.
Isibikezelo sezulu sezinsuku ezingu-7...