UMotlanthe uxwayise i-ANC

2012-12-03 16:36

Johannesburg - Uma i-African National Congress ihluleka ukulalela abantu ukuthi bathini, ingase ilahlekelwe yisikhundla sayo sokuba yiqembu elibusayo, kusho iPhini likaMengameli uKgalema Motlanthe.

"Thina njenge-ANC kumele sihlale sisebenzela abantu baseNingizimu Afrika," esho ekhuluma nabeBritish Broadcasting Corporation.

"Uma abantu baseNingizimu Afrika bengaboni ukuthi i-ANC yikhaya labo, yiqembu elingakwazi ukuzwa liphinde libhekane nezinkinga zabo, bangase babalekele kwamanye amaqembu."

UMotlanthe uthe i-ANC ayizimisele ekubuyeleni esikhathini sakudala, wathi abagxekayo banalo ilungelo lokukhuluma abakuthandayo nokho abanalo ilungelo lokufanisa iqembu nohulumeni wobandlululo.

"Uma sihluleka ukuzwa izimfuno zabantu, asifanelwe ukuba yiqembu elibusayo. Ngiyavuma kukhona lapha singenzanga khona kahle."

"Siyiqembu sihlala njalo sikhathazekile ngokwehluleka kwethu, uMengameli uJacob Zuma naye uke wakugxeka ukudembesela kukahulumeni," kuqhuba uMotlanthe.






 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).


NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 10-18°C High level clouds. Mild. Pta: 2-21°C Sunny. Mild.
Jhb: 3-16°C Sunny. Refreshingly cool. Bloem: 0-19°C Morning clouds. Mild.
Dbn: 7-22°C Sunny. Mild. PE: 11-18°C High level clouds. Mild.
Isibikezelo sezulu sezinsuku ezingu-7...