UMotlanthe uthi usadlinza ngolwakhe noZuma

2012-11-30 14:03

Pretoria - USekela Mengameli uKgalema Motlathe ukhulume wathi usajula ngokuthi ancintisane yini noMengameli uJacob Zuma, uma sekukhethwa ubuholi beqembu i-African National Congress, ePolokwane.

"Ngisandlinza ngalolu daba," esho ngemuva kokuvela kokuthi i-ANC esifundazweni iGauteng iphakamise igama lakhe ekutheni kube nguye ohola leli qembu elibusayo.

Singaphansi kwamasonto amathathu isikhathi esisele ngaphambi kokuthi iqembu libambe ingqungquthela yokuqoka ubuholi eMangaung.

Loyo ozoqokwa ukuthi ahole i-ANC, uyophinda abe ngumengameli wezwe ngonyaka ka-2014, uma kwenzeka i-ANC idla umhlanganiso.

UMotlanthe uthe uyokuba nempendulo uma sekukhulume izifunda.

"Umbuzo uyophenduleka uma zonke izifunda seziphumele obala. Kungenzeka ligcine lingaphakanyiswanga igama lami," etshela imithombo yezindaba yasemazweni angaphandle.

 


 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).


- AFP

Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 16-22°C Sunny. Cool. Pta: 15-30°C Sunny. Pleasantly warm.
Jhb: 14-27°C More sun than clouds. Pleasantly warm. Bloem: 16-33°C Sunny. Pleasantly warm.
Dbn: 17-29°C Sunny. Warm. PE: 14-23°C High level clouds. Mild.
Isibikezelo sezulu sezinsuku ezingu-7...