UMandela uphila njengosheleni - Zuma
2013-02-11 07:48
Johannesburg - UMengameli Jacob Zuma uhambele lowo owayengumengameli kuleli uNelson Mandela emzini wakhe oseGoli, eyomfisela impilo enhle nakho konke okuhle.
“Ubebukeka ejabulile, size saxoxa nangomcimbi ozayo wokuvulwa kwePhalamende kanjalo ne-Afcon,” kusho uZuma esitatimendeni.
Bathi uMandela ubebukeka "ekhululekile" ezibukele ithelevishini.
IHhovisi likaMengameli lithi uZuma ubesendleleni eya emdlalweni wamanqamu we-African Cup of Nations ngesikhathi edlula kuMandela emzini wakhe oseHoughton.
UMandela wachitha izinsuku ezingu-18 esibhedlela phakathi kukaDisemba noJanuwari, nokwaqubula imibuzo eminingi ngesimo sakhe sezempilo.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
- SAPA