UMalema uvulele umngani wakhe icala

2013-01-15 10:04

Johannesburg - Lowo owayengumengameli we-ANC Youth League owaxoshwa uJulius Malema uvulele lowo owayengumngani wakhe, uBoy Mamabolo, icala lokumehlisa isithunzi, kusho amaphoyisa aseLimpopo ngoLwesibili.

"UJulius uvule icala ngoMgqibelo ebusuku esiteshini samaphoyisa ePolokwane," kusho uBrigadier Hangwani Mulaudzi.

UMulaudzi uthe amaphoyisa ayaphenya ngeleli cala.

NgoLwesibili, iphephandaba iThe Star libike ukuthi uMamabolo usabise ngokugumba izinsalela zikamama kaMalema -- uMahlodi Malema -- ethuneni bese lawo mathambo awalahla phambi komuzi kagogo wakhe eSeshego.

Lokhu kuthiwa kulandela ukuthi uMalema athumela abangani bakhe ukuthi balale nentombi kaMamabolo.

Leli phephandaba libike ukuthi uMamabolo wathumela uMalema umqhafazo ofundeka kanje: "Kulokhu ngifuna ukukutshengisa ukuthi nginesihluku esinjani ngokuthi ngigumbe amathambo kaMahlodi ethuneni bese ngiwabeka phambi komuzi kagogo wakho. Usungenze izinto ezimbi kakhulu," kusho umqhafazo kaMamabolo.

UMamabolo uthi uMalema wayalela uSihlalo we-ANC Youth League eLimpopo uJacob Lebogo noJossie Buthane, ukuthi balale nentombi yakhe.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter

- SAPA

NEXT ON NEWS24 ISIZULUX
Phawula kulolu daba
2 izimpawulo
Faka ukuphawula kwakho
Phawula 0 izinhlamvu esezisele
Ezifundwe ukuzedlula zonke
Ezi-emailwe ukuzedlula zonke
Ezithasiselwe ukuzedlula zonke
Isimo sezulu
Emigwaqweni
iLotto
Cpt: 11-19°C Sunny. Mild. Pta: 8-19°C Sunny. Mild.
Jhb: 5-14°C Sunny. Cool. Bloem: 2-18°C Sunny. Mild.
Dbn: 12-22°C Showers early. Morning clouds. Cool. PE: 9-22°C Sunny. Mild.
Isibikezelo sezulu sezinsuku ezingu-7...