UDhlomo uthi phansi ngemitholampilo mbumbulu
2011-04-28 11:44
Chris Ndaliso, The Witness
Pietermaritzburg - UNgqongqoshe wezeMpilo KwaZulu-Natal uSibongiseni Dhlomo uthi ngeke ayibekezelele imitholampilo yokuhushula izisu engekho emthethweni kanti-ke ube esekhuthaza imiphakathi ukuthi ibikele izikhulu ngale mitholampilo.
Ubekhuluma njengoba ezohambela oLundi kusasa nalapho kuzobe kuvulwa isikhungo sikanokusho esizosiza abesifazane abazithwele nabazobeletha, nesizovulwa amahora angu-24.
UDhlomo ube esexwayisa ngobungozi nezinselelo eziba khona ngenxa yokukhipha izisu ezindaweni ezingagunyaziwe kanjalo nokukhulelwa kwentsha e-KZN.
"Sizimisele ukulwa nezingqinamaba ezibhekene nentsha, okubalwa ukubeletha, ukukhulelwa, ukuhlela umndeni nezinkinga eziba khona kulona lonke uhlelo lokukhulelwa.
"Iningi lezinto ezenzekayo nokushona kwabantwana abasanda kuzalwa kusuke kungagwemeka."
- The Witness