Siyayinqoba impi yengculazi - Zuma

2013-01-18 16:11

Johannesburg - INingizimu Afrika iqhuba kahle ekubhekaneni negciwane lengculazi nesandulela salo, kusho uMengameli wezwe uJacob Zuma.

"Sinezikhungo zezempilo ezingu-2948 ezihlinzeka abantu ngemishanguzo yegciwane, lesi sibalo sikhulu uma usiqhathanisa no-495 wangenyanga kaJanuwari ngo-2010," eqhuba esitatimendeni.

"Okuhle kakhulu izwe elikwaze ukukuzuza, ukunqanda izehlakalo zokutheleleka kwabantwana, bethelelwa ngomama. Izibalo zehle kakhulu kusukela ngo-2008.

Bangaphezu kuka-1.7 million abantu baseNingizimu Afrika abadla imishanguzo yegciwane lengculazi.

UZuma ukhiphe lezi zincomo ngesikhathi evakashelwe yisikhulu se-United Nations uMichel Sidibe, obesemzini wakhe eMahlamba Ndlopfu, ePitoli.

USidibe uncome uZuma neNingizimu Afrika, ekukwazini ukulwa nalolu bhubhane, wathi kumele izwe kube yilo elihola i-Afrika, ekukhiqizeni ikhambi lokulwa nengculazi.

UZuma uphinde wancoma abantu abangaphezu kuka-20 million abahlolela leli gciwane, kusukela kwakhuthazwa ukuhlola esidlangalaleni ngo-2010.





 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).




NEXT ON NEWS24 ISIZULUX
Phawula kulolu daba
2 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 13-16°C Passing showers. More sun than clouds. Cool. Pta: 14-30°C High level clouds. Pleasantly warm.
Jhb: 13-26°C Showers late. More sun than clouds. Pleasantly warm. Bloem: 13-23°C Passing showers. Morning clouds. Mild.
Dbn: 19-27°C Showers late. Mostly cloudy. Warm. PE: 13-19°C Afternoon clouds. Mild.
Isibikezelo sezulu sezinsuku ezingu-7...