Sichithiwe isicelo ngolukaDalai Lama

2012-02-03 13:17

Cape Town - INkantolo eNkulu yaseWestern Cape isichithile isicelo esimayelana nokuthi kwakuhambisana yini noMthethosisekelo ukuba uhulumeni anqabele uDalai Lama i-visa ngonyaka odlule.

IJaji u-Elizabeth Baartman lisichithile lesi sicelo seNkatha Freedom Party kanye neCongress of the People.

IDalai Lama yaluhoxisa uhambo lwayo lwaseNingizimu Afrika lokuzobungaza iminyaka engu-80 yokuzalwa kuka-Emeritus Desmond Tutu ngo-Okthoba 4.

Lo mholi wamaTibet wathi uhoxise uhambo lwakhe ukuze angadaleli uhulumeni waseNingizimu Afrika ubunzima.

Ukuhluleka kukahulumeni ukunikeza uDalai Lama i-visa, kwakhalisa abaningi, uTutu waze wathi wayengcono uhulumeni wobandlululo kunokaMengameli Jacob Zuma.

I-IFP neCope bafaka amaphepha esicelo enkantolo enkulu, ukuba ikhiphe umyalo wokuthi indlela uNgqongqoshe wezaseKhaya uNkosazana Dlamini-Zuma aphathangayo lolu daba, ayikho semthethweni futhi imuphoqe ukuba esikhathini esizayo isicelo sikaDalai Lama siphathwe ngendlela efanele.

Umholi we-IFP uMangosuthu Buthelezi ucele ukuba uDalai Lama amvakashele nonyaka.

"Like" ikhasi lethu ku-Facebook uze ukwazi ukujoyina inkulumo ngolimi lwakho.

Landela IzindabaNews24 kuTwitter (@IzindabaNews24).

- SAPA

Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 17-19°C Mostly sunny. Cool. Pta: 18-30°C Tstorms late. Broken clouds. Warm.
Jhb: 15-26°C a few showers. Mostly cloudy. Warm. Bloem: 18-23°C Thunderstorms. Afternoon clouds. Mild.
Dbn: 22-30°C Tstorms late. Mostly cloudy. Warm. PE: 20-27°C Numerous showers. Morning clouds. Warm.
Isibikezelo sezulu sezinsuku ezingu-7...