Sibathukuthelisile isikhangisi esimataniswa no-Oscar

2013-02-19 16:13

Johannesburg - Sisuse umsindo isikhangisi senkampani yomshwalense esikhishwe ephephandabeni iThe Star, sikhangiswa yindoda enqamuke umlenze, safakwa ngaphansi kwesithombe somsolwa okhubazekile u-Oscar Pistorius, obhekene necala lokubulala intombi yakhe.

Abakwa-Outsurance bakhangise ngomshwalense wabakhubazekile, isithombe sendoda engenamlenze safakwa ephephandabeni singaphansi kwesekhanda likaPistorius, naye ongenayo imilenze.

Abantu ababhale kuTwitter bazwakalise ukungasithakaseli lesi sikhangisi.

UMhlangabezi Songwevu ubhale wathi: "Aninamahloni Outsurance, kuyanyayisa lokhu, akunambitheki neze"

Inkampani ibhale isixoliso ithi ibingaqondile ukuphatha kambi abantu, kodwa lokho akuyisizanga.

Abantu baqhubekile nokuyihlasela.

UBernard Bergstedt uthe: "Angiyingeni eyalesi sixoliso, kungani nifake isikhangisi ngelanga u-Oscar aya ngalo enkantolo.Nikucabangisisile lokhu"

Isikhangisi sithi : ”Ngabe unomshwalense ofanele ukuthi ungakusiza uma kwenzeka impilo yakho ogiquka esikhaleni?”




 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).


NEXT ON NEWS24 ISIZULUX

Umndeni embangweni wesidumbu

2017-02-27 14:01
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 17-23°C Sunny. Mild. Pta: 15-26°C Morning clouds. Warm.
Jhb: 13-21°C Showers late. Broken clouds. Mild. Bloem: 15-26°C Broken clouds. Warm.
Dbn: 19-28°C Sunny. Warm. PE: 18-30°C Sunny. Warm.
Isibikezelo sezulu sezinsuku ezingu-7...