Owesilisa uthe abajabulele ukushona kwezingane

2013-02-06 12:02

Johannesburg - Owesilisa abathi unobandlululo uvule amanxeba ngesikhathi ethi abantu ababhiyoze bakhumbule ngesikhathi kuminza izingane ezingu-42 ezingabelungu, ezaminza eminyakeni engu-28 edlule.

Lokhu kuvezwe yiphephandaba iThe Times, ngoLwesithathu.

UZama Khumalo, 24, utshele abangani bakhe abangu-493 ukuthi kumele kosiwe inyama kubongwe ngokushona kwalezi zingane, wathi usuku kumele baluqambe bathi yi"Big Black Braai".

Izingane lezi zashona ngesikhathi ibhasi lesikole ezazihamba ngalo liphonseka edamini iWestdene, eGoli, mhlaka-27 Mashi 1985.

Umcimbi uzokuba nenyama no-DJ ozobe edlala ingoma, kusho isimemo asikhiphele abangani.

Ngokusho kwephephandaba, omunye wezihlobo uKatherine Shaddock, uthukile ngesikhathi ebona lesi simemo.

Lona ungudadewabo kaMary-Ann Miles, owashona kule nhlekelele enza uGrade 11.

UKhumalo ubhale phansi amagama azo zonke izingane ezashona, ekugcineni wathi "kuyabongeka Nkosi yami".

Umkhulumeli weSA Human Rights Commission u-Isaac Mangena utshele iphephandaba wathi bebengakasitholi isikhalazo esibhalwe phansi.

NgoMgqibelo uKhumalo ubhale kuFacebook exolisa.

 

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).





- SAPA

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 18-21°C More sun than clouds. Mild. Pta: 17-30°C a few showers. Afternoon clouds. Warm.
Jhb: 14-25°C More sun than clouds. Mild. Bloem: 15-31°C Showers late. More sun than clouds. Warm.
Dbn: 17-23°C Morning clouds. Mild. PE: 17-24°C Morning clouds. Mild.
Isibikezelo sezulu sezinsuku ezingu-7...