Owe-IFP usefudukele ku-NFP

2013-02-04 08:31

Durban - Iqembu iNational Freedom Party (NFP) lamukele isibalo esingavezwanga samalungu amasha aqhamuka ku-IFP, okubalwa uStanley Dladla eSahlumbe, esifundeni sasoThekela.

Ngesikhathi ebuzwa ukuthi bebebangaki abantu abahambele lo mcimbi, okhulumela i-NFP kuzwelonke uMaliyakhe Shelembe uthe nje bakhiphe izikibha ezingaphezu kuka-2 000.

Umholi weqembu uZanele Magwaza-Msibi uthe la malungu amasha ayingxenye yomkhankaso weqembu okhethweni lwangonyaka ozayo.

“Yize sizobe singenele ukhetho lukazwelonke okokuqala ngonyaka ozayo, ukujoyinwa ngomakadebona kwezepolitiki njengoMnuz Dladla kusinika ithemba," kusho uMagwaza-Msibi esitatimendeni.

UDladla, nongusomabhizinisi nowake waba yiMeya yasoThukela, uthe ufuna ukubeka icala amaphoyisa ukuze anxeshezelwe ngo-R1 million ngokuboshwa kwakhe okungekho emthethweni ngo-2011, esolwa ngokudayisa amadayimane negolide nokutholakala nezibhamu ezingekho emthethweni.

Ebuzwa ngokuhamba kukaDladla, okhulumela iNkatha Freedom Party uJoshua Mazibuko uthe kuyilungelo lakhe, njengoba i-IFP ingavimbi muntu.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter


- The Witness

NEXT ON NEWS24 ISIZULUX

UMalema uxabane nonogada emhlanganweni

Emizuzwini eyi-38 edlule
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 17-27°C Sunny. Warm. Pta: 18-30°C Tstorms late. More sun than clouds. Warm.
Jhb: 16-25°C Mostly sunny. Mild. Bloem: 14-29°C Sunny. Pleasantly warm.
Dbn: 17-22°C Afternoon clouds. Cool. PE: 16-20°C More sun than clouds. Mild.
Isibikezelo sezulu sezinsuku ezingu-7...