OkaMagwaza-Msibi ugxeka udlame laKwaMashu

2012-11-26 12:04

Johannesburg - Umholi weNational Freedom Party uZanele KaMagwaza-Msibi uselugxekile udlame oluqubuke ehostela laKwaMashu, olugcine ludlula nomphefumulo womuntu oyedwa kwalimala abalinganiselwa ku-20.

Udlame lolu luqubuke ngesikhathi okaMagwaza-Msibi ehambele ehostela ukuyokhuluma nabahlali ngenhloso yokugaya ivoti njengoba kuzobanjwa ukhetho lokuchibiyela.

"Kucacile ukuthi KwaMashu akuyi olubuyayo kubantu abaseka amanye amaqembu ezombusazwe," kusho isitatimende sikaMagwaza-Msibi.

Kulolu dlame kushaywe ngamatshe abantu kwaphinde kwashiswa nezimoto ezintathu.

Imoto yentatheli eshisiwe ngekaGiordano Stolley, weSapa, ubehambisana nezithatheli zephephandaba iDaily News uMpume Madlala noBawinile Ngcobo weSolezwe.

OkaMagwaza-Msibi uvaleleke ehholo iBhekuzulu Hall, kwaze kwadingeka ukuthi ahlengwe ngamaphoyisa ngesikhathi abalandeli beNkatha Freedom Party bethi abamudle bamfele.

"Abalandeli be-IFP bavale umgwaqo badubula bebhekise kumalungu eNFP, lezi bekuyizindlela zokuzama ukwesabisa amalungu," esho.

Bayisishiyagalombili abantu ababoshiwe ngalolu dlame, kusho amaphoyisa aKwaZulu-Natal, ngoMsombuluko.

- SAPA

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 13-16°C Mostly sunny. Cool. Pta: 18-30°C Showers early. More sun than clouds. Pleasantly warm.
Jhb: 12-24°C More sun than clouds. Mild. Bloem: 5-18°C Sunny. Mild.
Dbn: 15-18°C Showery. More clouds than sun. Cool. PE: 12-19°C Sunny. Mild.
Isibikezelo sezulu sezinsuku ezingu-7...