Odilikajele abangu-26 kubadlwenguli
2012-12-14 10:02
Johannesburg - Ubaba nendodana yakhe bagixabezwe ngodilikajele abangu-26 ngamacala okudlwengula, kulalele iNkantolo eNkulu yaseGoli, kulandela ukulahlwa yila macala ngeledlule.
La badlwenguli ababili base-Alexandra, uBooi noRodgers Makhubela,
bagwetshwe odilikajele abangu-26 uma isigwebo sabo sihlanganiswa, nesikhishwe yiJaji Roland
Sutherland ngamacala abo okudlwengula abesifazane abangu-10 phakathi kuka-2008 no-2009 bezenza abashayeli bamatekisi.
UBooi, 50, uthole odilikajele abangu-14, kuthi uRodgers, 26, wathola abangu-12.
Ngesikhathi uSutherland eqala ukwethula isigwebo, indodakazi kaBooi eneminyaka engu-14 ubudala ivele yakhihla esikaNandi.
Ibe isiphuma enkantolo kanti isililo sayo besizwakala ngisho isingaphandle.
Baphinde bagwetshwa iminyaka engu-15 ngaphezulu ngokugebenga besebenzisa indluzula, neyishumi yokuthumba, neminye eyisikhombisa yokushaya, umuntu ngamunye.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
- News24