Makuqedwe ukubulawa kwamaphoyisa - Popcru
2012-04-25 08:16
Johannesburg - Inyunyana iPolice and Prisons Civil Rights Union (Popcru) isiphumele obala yathi makuqedwe nya ngokusocongwa kwamaphoyisa nokubukeka sekuyinsakavukela kuleli.
"Sikholelwa ukuthi amaphoyisa, ojele nawomgwaqo kumele aqhube umsebenzi wawo ngaphandle kokusaba nokusatshiswa yizigelekeqe ezigcaluza emigwaqeni yethu," kusho isekela likaNobhala Jikelele uLebogang Phepheng.
UPhepeng ukusho lokhu kulandela ukubulawa kwamaphoyisa amabili omgwaqo eGoli.
Uthe bayawuhlaba impela lo mkhuba wokubulawa kwamaphoyisa eHillbrow, eGoli lisemsebenzini, nokusolakala ukuthi kwenziwe ngumshayeli wetekisi.
Iphoyisa lesibili libulawe ngoLwesibili ePimville, eSoweto lisendleleni eya emsebenzini.
- Landela
IzindabaNews24 kuTwitter
- SAPA