Luphelile unswinyo lwenyama yase-KZN

2011-04-19 16:50

Durban - UNgqongqoshe wezoLimo uTina Joemat-Pettersson usememezele ukuthi luphelile unswinyo lwemikhiqizo yenyama obelubhekiswe enyakatho neKwaZulu-Natal, wathi ubhedukane wamatele kuleya ndawo usulawulekile, kubika i-East Coast Radio.

Evula inkulumompikiswano ePhalamende ngohlahlo mali loMnyango wakhe, utshele amalungu ePhalamende ukuthi kugonywe izinkomo ezingu-64 000 kuleya ndawo.

"Singamemezela namhlanje ukuthi siyaluphakamisa unswinyo lwemikhiqizo yenyama kulezo zindawo ebezithintekile.'

Kodwa-ke, ukunyakaza kwalezi zilwane kuleya ndawo akukavunyelwa.

"Izilwane eziphilayo akumele ziphume kuleya ndawo."

UMnyango wezoLimo wamemezela ukubheduka kwesifo samatele enyakatho neKwaZulu-Natal ngoFebhuwari kulonyaka, kwase kuba nezimvimbamgwaqo ukuqapha ukuphuma nokungena kwalezi zilwane kulezo zindawo ezithintekayo.

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 9-16°C Sunny. Cool. Pta: 5-22°C Sunny. Mild.
Jhb: 1-17°C Sunny. Mild. Bloem: -2-18°C Sunny. Mild.
Dbn: 15-20°C Partly cloudy. Cool. PE: 8-20°C Sunny. Mild.
Isibikezelo sezulu sezinsuku ezingu-7...