News24.com
|   OLX  |   PriceCheck  |   Property24  |   Kalahari.com  |   Careers24

Linyukile inani labashone ezimvuleni eKZN

2012-12-12 10:04
Yabelani Shicilela

Durban - Bangu-10 okungenani abantu abashonile kwathi abanye balimala ngesikhathi kuhlasele imvula edale umonakalo omkhulu KwaZulu-Natal, kwacekeleka phansi nemizi, kubika iThe Mercury.

UNgqongqoshe wezokuBusa ngokuBambisana neziNdaba zoMdabu uNomusa Dube ngoLwesibili uqinisekise ukushona kwabantu ababili emijondolo yaseMegavillage, eMlazi, abayisithupha eChatsworth, oyedwa KwaDabeka nomunye eMzinto, ogwini oluseningizimu nesifundazwe.

Kodwa-ke, uDube uthe uMnyango uphinde wathola eminye imibiko ngokufa kwabantu, nokungakaqinisekiswa.

Kulesi sibalo kubalwa nezingane ezintathu zaseDassenhoek, ngaseMariannhill, ezishone ngesikhathi zidilikelwa yindlu zilele.

Kuthiwa izulu kulindeleke ukuba liphenye ngempelasonto.

Abantu bayacelwa ukuba baqaphele ngaso sonke isikhathi, uma kunezindlela zokugwema ingozi benze njalo.

 

 - Landela IzindabaNews24 kuTwitter


- News24

Phawula kulolu daba
0 izimpawulo
Faka ukuphawula kwakho
avatar
Phuma
Phawula 0 izinhlamvu esezisele
Ezifundwe ukuzedlula zonke
Ezi-emailwe ukuzedlula zonke
Ezithasiselwe ukuzedlula zonke
Isimo sezulu
Emigwaqweni
iLotto
Cpt: 17-20°C Showers early. More sun than clouds. Mild. Pta: 6-23°C Sunny. Mild.
Jhb: 9-18°C Mostly sunny. Mild. Bloem: 6-22°C Sunny. Mild.
Dbn: 13-27°C Sunny. Warm. PE: 13-23°C More clouds than sun. Mild.
Isibikezelo sezulu sezinsuku ezingu-7...