Lingenile elokufa kukaStander
2013-01-07 15:11
Johannesburg - Umshayeli osolwa ngokubulala ngokungenhloso umgibeli wamabhayisikili uBurry Stander, uvele ngaphambi kweNkantolo yeMantshi yasePort Shepstone, ngoMsombuluko.
Okhulumela abakwaNational Prosecuting Authority, uNatasha Ramkisson, uthe uNjabulo Nyawose ubhekene necala lokubulala ngokungenhloso, okuyicala elifanayo nokushayela budedengu.
Umsolwa udedelwe ngesexwayiso, uzobuyela enkantolo mhlaka-22 Mashi.
UStander washayiswa yimoto washona ngoLwesine olwedlule, ngesikhathi ebuya ukuyizilolonga ngaseShelley Beach, KwaZulu-Natal.
UNyawose nguye owayeshayela itekisi eyaphazamisana noStander.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter
(@IzindabaNews24).
