Libukeka limlahla elakubo u-Oscar

2013-02-19 14:05

Pretoria - Imantshi ekuqhubekeni kwesicelo sebheyili somsubathi u-Oscar Pistorius, inqume ukuthi lo mgijimi abhekane naleli cala ngaphansi kukaSchedule Six, nokungase kukwenze kube nqala ukuthi athole ibheyili.

IMantshi uDesmond Nair utshele iNkantolo yeMantshi ePitoli ngoLwesibili ukuthi ngeke bakushaye indiva ukuthi ukubulawa kukaReeva Steenkamp kungenzeka ukuthi kwabe kuhleliwe.

Lokhu kuchaza ukuthi uPistorius kumele eze nobufakazi obuqanda ikhanda bokuthi kumele anikezwe ibheyili.

Amacala angaphansi kukaSchedule Six yilawo athathwa njengabucayi kakhulu.

Kuqhubeka leli cala umsolwa utshengisa ukuzisola kanti ulokhu ebheke phansi echiphiza.

Khonamanjalo, uSteenkamp ubekwe ekhaya lakhe lokugcina ePort Elizabeth, enkonzweni ebeyenzelwe ekusithekeni.

Umfowabo u-Adam Steenkamp uthe umufi ushiye isikhala esikhulu, usho ekhuluma nezintatheli ngaphandle kwaseVictoria Park Chapel.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter


- SAPA

Phawula kulolu daba
1 isiphawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 17-25°C Sunny. Mild. Pta: 17-18°C Heavy rain. Mostly cloudy. Mild.
Jhb: 13-16°C Tons of rain. Mostly cloudy. Cool. Bloem: 14-18°C Scattered showers. Morning clouds. Mild.
Dbn: 19-20°C Numerous showers. Mostly cloudy. Cool. PE: 18-24°C Mostly sunny. Mild.
Isibikezelo sezulu sezinsuku ezingu-7...