Libalulekile ilungelo lempilo - Zuma

2013-02-21 16:42

Parliament - Libalulekile ilungelo lempilo nokuphepha kwabesifazane kanye nezingane, kusho uMengameli wezwe uJacob Zuma, ngesikhathi ekhuluma ePhalamende.

UZuma ubephonswa imibuzo mayelana nenkulumo yakhe ebhekiswe esizweni, ayenza ngesikhathi kuvulwa iPhalamende.

Siyakwamukela ukwehla kwezibalo zobugebengu, kodwa kuyethusa ukuthi kungenele isihlava esethusayo sokudlwengulwa kwabantu besifazane, kusho uZuma.

Umengameli uthe lo mkhuba kumele ugxekwe ngayo yonke indlela.

"Sekudlulele kakhulu, akusagcini nje ngokuthi kuhlukunyezwe abesifazane kuphela, umkhuba usungenele nakwabesilisa. Kukhona abesilisa abanyukubezwayo. Sesitshele amaphoyisa ukuthi kumele angabi nazwelo kubantu abenza lezi zehlakalo,” kukhuluma uMsholozi.

"Kumele siphinde sibheke ukuthi kungenziwa njani ukuthi kubuyiswe isithunzi nokuzigqaja kubantu, babe nokuhlonipha ilungelo lempilo, kube nokuhloniphana.”

"Njengoba sizogubha iminyaka engu-20 izwe lakhululeka, kumele abaholi babhekisise kabanzi lolu daba lokuhlukumeza.”




 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).


NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Ezifundwe ukuzedlula zonke
Ezi-emailwe ukuzedlula zonke
Ezithasiselwe ukuzedlula zonke
Isimo sezulu
Emigwaqweni
iLotto
Cpt: 15-26°C Sunny. Warm. Pta: 17-27°C Passing showers. Morning clouds. Pleasantly warm.
Jhb: 12-22°C Rain showers. Mostly cloudy. Mild. Bloem: 14-27°C Showers late. More sun than clouds. Pleasantly warm.
Dbn: 17-18°C Rain showers. More clouds than sun. Cool. PE: 15-19°C More sun than clouds. Mild.
Isibikezelo sezulu sezinsuku ezingu-7...