Kweqe 5 weziboshwa eN West
2011-11-08 13:02
Johannesburg - Iziboshwa ezinhlanu ezithathwa njengeziyingozi zeqile esiteshini samaphiyisa e-Ottoshoop, eduze naseZeerust, kusho amaphoyisa aseNorth West ngoLwesibili.
Kukholakala ukuthi basebenzise ummese ukuvula uphahla olungenela endaweni yokuzivocavova yeziboshwa ngeSonto ngobo-16:30, kusho uBrigadier Thulani Ngubane esitatimendeni.
"Laba basolwa baneminyaka ephakathi kuka-25 no-30 ubudala babeboshwe ngamacala okuphanga, ukushisa impahla, ukushaya, nokugqekeza."
Amaphoyisa axwayisa umphakathi ukuba ungazami ukubabamba laba solwa kodwa bathinte amaphoyisa aseduzane uma bebabona.
UNgubane uthe amaphoyisa aseNorth West ngeke anqikaze ukuthatha izinyathelo uma lezi zigilamkhuba zeqe ngosizo lwamaphoyisa.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter (@IzindabaNews24).
- SAPA