Kwanele ngokuhlukumeza - ANCWL

2013-02-06 16:39

Johannesburg - Uphiko lwabesifazane eqenjini libusayo i-African National Congress Women's League luwotha ubomvu ngesehlakalo sokudlwengulwa kubulawe intombazane eneminyaka engu-17 ubudala.

"Kumele sihlangane siyisizwe silwisane nalesi sihlava, angeke kwabekezelelwa ukuhlukunyezwa kwabantu besifazane ngalolu hlobo. Kumele bonke abantu baseNingizimu Afrika bahlangane kuliwe."

Isitatimende sophiko esihanjiswe kwabezindaba sithi amacala amayelana nokuhlukunyezwa kwabantu besifazane nezingane, athela ngehlazo izwe.

"Kumele abesilisa nabesifazane bahlangane kusetshenziswanwe namaphoyisa ukulwa nalokhu kuhlukumeza."

U-Anene Booysen waseBredasdorp, esifundazweni saseWestern Cape, waluthwa yiqulu lamadoda amthatha ngoMgqibelo ehamba nabangani bakhe, ngakusasa watholakala edindilizile, esaphila, etholwa ngunogada owabiza amaphoyisa.

Isibhedlela sithi uBooysen wayelimele kakhulu, kungekho esingamusiza ngakho, nokho ushone esekwazile ukusho igama lomunye wabadlwenguli bakhe.

Bane abasolwa asebeboshiwe.



 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).


NEXT ON NEWS24 ISIZULUX

Usayilungu le-ANC uMbeki - Umbiko

Emizuzwini eyi-20 edlule
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 9-15°C Afternoon clouds. Cool. Pta: 9-18°C Showery. Morning clouds. Mild.
Jhb: 6-12°C Passing showers. Afternoon clouds. Cool. Bloem: 5-10°C Heavy rain. Mostly cloudy. Cool.
Dbn: 10-16°C Heavy rain. Mostly cloudy. Cool. PE: 10-15°C Passing showers. Afternoon clouds. Cool.
Isibikezelo sezulu sezinsuku ezingu-7...