Kuzoqokwa ubuholi obusha be-ANC eF State

2013-01-17 12:03

Bloemfontein - Amalungu eqembu elibusayo i-African National Congress e-Free State, azothola elinye ithuba lokuthi aqoke ubuholi besifundazwe ngenyanga ezayo, kuqinisekisa iqembu ngoLwesine.

Okhulumela iqembu u-Oupa Khoabane uthi ikomidi leqembu esifundazweni, lizoqinisekisa ukuthi ukhetho lokuqokwa kobuholi luhamba ngendlela.

Ukhetho lubekelwe umhlaka-23 Febhuwari, inkomfa izokuba ngeyosuku olulodwa, izobanjelwa eParys.

UNobhala weqembu kuzwelonke uGwede Mantashe wamemezela ikomidi laseBloemfontein, ngaphambi kwenkomfa yeqembu enkulukazi ebibanjelwe eMangaung, ngenyanga kaDisemba.

Ikomidi lihlanganisa abesifazane abangu-11 nabesilisa abayisishiyagalolunye.

Ukuqokwa kabusha kobuholi kuza ngemuva kokuthi amalungu ayisithupha evunwe yinkantolo esikhalazweni esasithi akuhlakazwe ubuholi obukhona, ethi kwephulwa imithetho ngesikhathi buqokwa.




 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).

- SAPA

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 16-23°C Sunny. Mild. Pta: 19-31°C Tstorms late. Afternoon clouds. Warm.
Jhb: 16-25°C Showers late. Afternoon clouds. Warm. Bloem: 14-32°C Sunny. Pleasantly warm.
Dbn: 19-21°C Scattered showers. Decreasing cloudiness. Cool. PE: 15-23°C Sunny. Mild.
Isibikezelo sezulu sezinsuku ezingu-7...