Kuzolalelwa olwamaphoyisa aseKhayelitsha

2012-12-10 12:04

Cape Town - Sizolalelwa eNkantolo eNkulu yaseWestern Cape isinqumo sikaNgqongqoshe wezamaPhoyisa uNathi Mthethwa sokuthi kumiswe uphenyo ngamaphoyisa aseKhayelitsha, nekuthiwa awawenzi ngendlela umsebenzi, kusho okhulumela uMthethwa uZweli Mnisi.

Lolu daba bekumele lulalelwe ngoMsombuluko.

UMnisi uthe kuzodingidwa ngokumisa ikhomishana yophenyo kanjalo nezinto ezithinta le khomishana.

UMthethwa wafaka la maphepha enkantolo ngoNovemba ukuthi kumiswe le khomishana okwesikhashana, njengoba kusazokhishwa isinqumo ngokwakhiwa kwayo.

UNdunankulu wesifundazwe uHelen Zille wajuba le khomishana ngo-Agasti ukuba iphenye ngokusebenza kwamaphoyisa eKhayelitsha, eKapa.

UZille wathi le khomishana iyadingeka ngenxa yokuthi sekuphelile ukwethembana phakathi kwezakhamuzi namaphoyisa kuleliya lokishi nokudala ukuthi umphakathi uzibambele umthetho ngezandla.




 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter


- SAPA

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 18-20°C a few showers. More sun than clouds. Cool. Pta: 21-34°C More sun than clouds. Extremely hot.
Jhb: 19-29°C Morning clouds. Pleasantly warm. Bloem: 18-34°C High level clouds. Extremely hot.
Dbn: 21-34°C a mixture of sun and clouds. Hot. PE: 18-25°C Showers early. More sun than clouds. Mild.
Isibikezelo sezulu sezinsuku ezingu-7...