Kuzokhishwa isinqumo kwelikaTerre'Blanche
2012-05-22 08:03
Johannesburg - Kulindeleke ukuthi kuqale ukwethulwa kwesinqumo ecaleni lokubulawa kukalowo owayengumholi we-AWB u-Eugene Terre'Blanche, enkantolo enkulu ehlezi eVentersdorp.
UChris Mahlangu nomfanyana basolwa ngokushaya babulale uTerre'Blanche epulazini lakhe elingaphandle kwaseVentersdorp, eNorth West, ngo-Ephreli 2010.
Bobabili bawaphika amacala okubulala, ukugqekeza nokuphanga besebenzisa indluzula.
UMahlangu uthi wayezivikela.
Umfanyana uyazihlangula kuleli cala.
"Kulindeleke ukuba isinqumo sithathe isikhathi eside," kusho uJaji John Horn etshela inkantolo.
- Landela
IzindabaNews24 kuTwitter
- SAPA
