Kushone umshayeli weloli eSoweto
2012-08-31 16:22
Johannesburg - Kushone umshayeli weloli ngesikhathi kudaleka ingozi yomgwaqo liginqika eProtea Glen, eSoweto, kusho abahambisa usizo oluphuthumayo eGoli.
Kubukeka sengathi umshayeli weloli elinamasondo angu-18 ubezama ukuvika ezinye izimoto ngesikhathi kudaleka ingozi, kusho okhulumela abezimo eziphuthumayo uRobert Mulaudzi.
Umshayeli utholakale ebhajwe ngaphakathi elolini, kudingakale kusetshenziswe izinsimbi ukuzama ukumtakula, kusho uMulaudzi.
– Landela IzindabaNews24 kuTwitter
(@IzindabaNews24).