Kushone umfana e-Uitenhage
2013-02-01 16:31
Johannesburg - Umfana oneminyaka engu-18 ubudala, udubuleke washona ngesikhathi enabangani bakhe begijima emgaqweni uMvila Street, e-Uitenhage.
Amaphoyisa ase-Eastern Cape akhiphe lo mbiko ngoLwesihlanu.
"Umfana udubuleke esifubeni ngabo-18:00, ngoLwesine, igama lakhe ngu Daluxolo Mbangi. Ushonele endaweni yesehlakalo," kusho okhulumela amaphoyisa uWarrant Officer Gerda Swart.
Akukho muntu oseboshiwe ngalesi sehlakalo, amaphoyisa asaphenya.
– Landela Izindaba News24 kuTwitter
(@IzindabaNews24).