Kushone umfana, 16, ebholeni

2012-10-05 10:03

Durban - Umndeni waseLimpopo osashaqekile kulindeleke ufike eThekwini ukuzohlonza isidumbu sendodana yawo, 16, eshayeke phansi yashona ngesikhathi kunomcintiswano webhola, kubika iSowetan.

Kubikwa ukuthi labo abebedlala no-Andani Kutama bakhungathekile kanti bathola ukwelashwa ngokwengqondo njengoba besalindele isinqumo sokuthi bangaqhubeka yini nowamanqamu weMetropolitan Sasfa U-16 Cup, eKing Zwelithini Stadium.

Umengameli weSouth African Schools Football Association, uMandla "Shoes" Mazibuko, uthe uKutama,weBenny Sports Academy, eLimpopo ushayeke phansi esadlale imizuzu engu-13 ngesikhathi ezakhe zibhekene neFreedom Park, yaseNorth West.

"Ube esephuthunyiswa esibhedlela iPrince Mshiyeni nalapho ehlongozwe khona njengoshonile."

Umengameli weSafa uKirsten Nematandani uthe: "Sishaqeke kakhulu ngokushona kwakhe kanti sithi umndeni mawududuzeke."


 - Landela IzindabaNews24 kuTwitter

- News24

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 12-14°C Numerous showers. Cloudy. Cool. Pta: 8-13°C Rain showers. Morning clouds. Cool.
Jhb: 5-9°C Rain showers. Morning clouds. Cool. Bloem: 0-11°C Heavy rain. Morning clouds. Cool.
Dbn: 12-19°C Showery. Mostly cloudy. Cool. PE: 11-17°C Heavy rain. Decreasing cloudiness. Mild.
Isibikezelo sezulu sezinsuku ezingu-7...