Kushone owesifazane kudutshulwa eThekwini

2012-11-29 12:02

Durban - Owesifazane othengisa emgwaqeni udubuleke washona ngesikhathi etholwa yinhlamvu, kudubulana izigilamkhuba nonogada ePhoenix, eThekwini, kusho amaphoyisa aKwaZulu-Natal.

Okhulumela amaphoyisa uLieutenant Colonel Vincent Mdunge uthe amadoda amane angene ebhizinisini ekusetshenzwa kulo ngensimbi, azama ukubamba inkunzi.

"Akucacile kahle noma izigilamkhuba bezizama ukubamba inkunzi ibhizinisi leli noma bezizama ukuphuca onogada izibhamu," kusho uMdunge.

Kube nokudubulana phakathi kwabaphangi nonogada, umuntu onetafula emgwaqeni udubuleke esiswini washona.

Abantu abathathu bagcine ngokuboshwa, akukazeki ukuthi iqhamuke ngakuphi inhlamvu edubule umdayisi.


 – Landela Izindaba News24 kuTwitter (@IzindabaNews24).

- SAPA

Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 13-17°C High level clouds. Cool. Pta: 14-27°C Sunny. Pleasantly warm.
Jhb: 8-21°C Sunny. Mild. Bloem: 6-16°C More sun than clouds. Refreshingly cool.
Dbn: 13-15°C Light rain. Mostly cloudy. Cool. PE: 10-17°C Mostly sunny. Mild.
Isibikezelo sezulu sezinsuku ezingu-7...