Kushone osekhulile ewelwa wudonga
2013-01-21 16:29
Durban - Umuntu osekhulile ushonile ngesikhathi udonga luwela phezu kwakhe eMgungundlovu, kusho abahambisa usizo oluphuthumayo.
Umbiko wezindaba zeNewswatch uthi umufi ubehamba ngezinyawo kuBombay Road, eNorthdale, ngesikhathi kwenzeka ingozi ngezithuba zawo-11:30.
Abahambisi bosizo oluphuthumayo bathi bafike endaweni yesehlakalo bathola owesilisa oseminyakeni eko-60 ubudala, ebhajwe ngaphansi kwezitini.
Okhulumela abakwa-ER24 uDerrick Banks, uthi akucacile kahle ukuthi udonga luwiswe yini.
"Ngemuva kokuthi sekususwe izitini phezu kwakhe, kutholakale ukuthi usedlulile emhlabeni. Ubulawe amanxeba awatholile.
Izikhulu kuthiwa zizophenya ngalolu daba.
– Landela Izindaba News24 kuTwitter
(@IzindabaNews24).
- News24