Kushone omunye kwawakwaKito

2013-01-16 12:04

Durban - Iphoyisa elabe lisebenza nethimba lamaphoyisa asatshwayo aseCato Manor, nebelingumsolwa emacaleni ahlanganisa awokubulala, limelwe yinhliziyo lashona, kubika iThe Mercury.

Umbiko wangoLwesithathu uthi iphoyisa lishone sekusele izinsuku ezine lihlanganise iminyaka yokuzalwa engu-41.

UCaptain Vincent Auerbach, obebekwe eNkantolo yeMantshi yaseWentworth, ushone eqeda ukufonela umngani wakhe uBruce McInnes, emazisa ngezinhlungu anazo esifubeni.

UMcInnes utheleke emzini ka-Auerbach, oseBluff, evele engasaphefumuli, abosizo lokuqala nabo behlulekile umkuvusa.

Umufi ungumsolwa wesibili ukuthi ashone kulaba bakwaKito, ababhekene namacala.

UCaptain Neville Eva, 45, naye obenesifo esihlobene nenhliziyo, washona ngenyanga kaNovemba.

U-Auerbach, uMcInnes, kanye neNhloko yophiko loKlebe KwaZulu-Natal uMajor-General Johan Booysen kanye nabanye ozakwabo, babhekene namacala alinganiselwa ku-100 ahlanganisa nawokubulala.

Amaphoyisa akwaKito, aze azitholela igama elithi “bangomashayabhuqe”, ngenxa yesihluku sokufa kwabasolwa abafela ezandleni zala maphoyisa.



 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).




- News24

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 14-18°C Mostly sunny. Mild. Pta: 14-30°C High level clouds. Pleasantly warm.
Jhb: 12-26°C High level clouds. Pleasantly warm. Bloem: 4-23°C Sunny. Mild.
Dbn: 15-19°C More clouds than sun. Cool. PE: 10-19°C More sun than clouds. Mild.
Isibikezelo sezulu sezinsuku ezingu-7...