Kushone ababili embhikishweni eSasolburg

2013-01-23 07:39

Johannesburg - Kushone abantu ababili emibhikishweni ebiphelezelwa wudlame eSasolburg njengoba izakhamuzi ziphikisana nezinhlelo zokufaka lo masipala ngaphansi kowaseParys.

Omunye ushone ngemuva kokulimala ngesikhathi amaphoyisa edubula ngezinhlamvu zenjoloba ababhikishi abebeyigxoba esiteshini samaphoyisa eZamdela.

Ababhikishi bajikijele amaphoyisa ngamatshe bazama ukungena ngendlov'iyangena esiteshini, kusho uLieutenant General Khela Sithole.

"Isixuku sihlasele amaphoyisa ase nawo eyadubula, nalapho kushone khona umuntu oyedwa," kusho okhulumela amaphoyisa uSam Makhele.

Kuthiwa enye indoda idutshulwe ngumshayeli wemoto ngesikhathi kuqhubeka le mibhikisho.

USithole uthe lesi sigameko sizophenywa yi-Independent Police Investigative Directorate.


 - Landela IzindabaNews24 kuTwitter


- SAPA

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 13-18°C Sunny. Mild. Pta: 4-22°C Sunny. Mild.
Jhb: 6-17°C Sunny. Mild. Bloem: 3-23°C Sunny. Mild.
Dbn: 14-25°C More sun than clouds. Mild. PE: 14-24°C Mostly sunny. Mild.
Isibikezelo sezulu sezinsuku ezingu-7...