Kushone 4 engozini yebhasi eBloemfontein
2012-12-27 09:03
Johannesburg - Kushone abantu abane ngesikhathi ibhasi ibalekela inyamazane yase iyagingqika ngaphandle kwaseBloemfontein, kusho abezimo eziphuthumayo ngoLwesine ekuseni.
"Kulimale abanye abagibeli abangu-14, okubalwa nomshayeli, abanye bathole ukwelashwa endaweni yesigameko bayiswa ePelonimi Hospital naseMediclinic Bloemfontein ukuze bayothola olunye usizo," kusho okhulumela i-ER24 uVanessa Jackson.
Uthe kufike obethunywe yinkampani yebhasi elisengozini ukuthatha imithwalo yabagibeli ukuze iyogcinwa endaweni ephephile.
Le ngozi yenzeke ngesikhathi umshayeli ezama ukuvika inyamazane ebisemgwaqeni.
Leli bhasi belilibangise eGoli, lisuka e-Eastern Cape.
- Landela
IzindabaNews24 kuTwitter
- SAPA