Kushone 4 engozini eKZN

2013-02-04 12:00

Durban - Kushone abantu abane engozini eyehle phakathi kweloli nemoto encane ogwini olusenyakatho neKwaZulu-Natal, kubika iNewswatch.

Bonke abashonile bebesemotweni encane ngesikhathi behlelwa yile ngozi phakathi kwaseDarnall naseZinkwazi ngabo-05:00 ngoMsombuluko.

Kukholakala ukuthi laba abesifazane ababili nabesilisa abashonile ngabantu basendaweni.

UDaryl Bronkhorst we-IPSS Medical Response uthe bafike endaweni yesehlakalo bazithela kulesi sibhicongo.

"Imoto icishe yawela ngale konqenqema."

"Kusithathe imizuzu ephakathi kuka-20 no-15 ukuhlukanisa lezi zimoto, kudingeke kusetshenziswe nezindlawu ukuzisika. Abebeselolini bathole imihuzukwana."

Khonamanjalo, kulimale abantu abangu-29 ngemuva kwengozi yamatekisi amabili kuMngeni no-Isaiah Ntshangase Road eThekwini.


 - Landela IzindabaNews24 kuTwitter


- News24

NEXT ON NEWS24 ISIZULUX

Udilikajele kowadlwengula ingane ena-10

Emizuzwini eyi-31 edlule
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 18-21°C Sunny. Cool. Pta: 17-31°C Mostly sunny. Hot.
Jhb: 15-26°C Mostly sunny. Warm. Bloem: 18-34°C Sunny. Extremely hot.
Dbn: 17-28°C Morning clouds. Warm. PE: 18-28°C Sunny. Warm.
Isibikezelo sezulu sezinsuku ezingu-7...