Kuqubuke impi yama-26 nama-28 ePollsmoor

2013-01-25 14:04

Cape Town - Isiboshwa ejele iPollsmoor, sigwazwe amanxeba angu-21 ngesikhathi kuqubuka impi eshiye ezinye iziboshwa eziyisishiyagalolunye zilimele, kusho uMnyango wezamaJele ngoLwesihlanu.

Iziboshwa ezinhlanu zingeniswe ezibhedlela, ngemuva kokuthi kuqubuke impi phakathi kwamaqembu ama-26 nama-28.

"Ababili kulaba abalimele, bangeniswe eVictoria Hospital eWynberg, kwathi abanye abathathu bangeniswa eGroote Schuur Hospital," kusho uKhomishana wezamaJele eWestern Cape, uDelekile Klaas.

Impi lena ingeyesibili ukuthi iqubuke kuleli jele esikhathini esiyisonto, phambilini kulimale iziboshwa ezinhlanu ngesikhathi kunempi yeqembu lama-26, kusho uKlaas.

"Ezinye izboshwa sezidedeliwe, ezintathu ezingakadedelwa zisegumbini labagula kakhulu."

UKlaas uthi isimo sesilawulekile kuleli jele, uthi kuthunyelwe ithimba elibizwa nge-Emergency Support Team (EST).

Amaphoyisa ayaphenya ngalesi sehlakalo.



 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).



- SAPA

NEXT ON NEWS24 ISIZULUX
Phawula kulolu daba
2 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 10-18°C High level clouds. Mild. Pta: 2-21°C Sunny. Mild.
Jhb: 3-16°C Sunny. Refreshingly cool. Bloem: 0-19°C Morning clouds. Mild.
Dbn: 7-22°C Sunny. Mild. PE: 11-18°C High level clouds. Mild.
Isibikezelo sezulu sezinsuku ezingu-7...