Kuqhunyiswe i-ATM eSoweto
2012-08-24 08:01
Johannesburg - Iqulu ebelihlome liyizingovolo liqhumise umshini wokukhipha imali, i-ATM, e Bram Fischerville, eSoweto, ezintathakusa ngoLwesihlanu, kusho amaphoyisa aseGauteng.
"Bekungo-02:00. Iqulu lamadoda ebelihamba ngekhumbi nemoto yohlobo lweGolf lingene eSpar oseBram Fischerville laqhumisa i-ATM yaseFNB," kusho uWarrant Officer Kay Makhubela.
"Leli bhomu liqhumile kodwa ayikho imali ethathiwe."
Amaphoyisa aziswe ngalesi sigameko ngumphakathi.
"Kube nempi yezulu lezandla phakathi kwabasolwa namaphoyisa. Sithole amagobolondo ezinhlamvu ezingu-20 ze-AK47," kusho uMakhubela.
Akulimalanga muntu.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
- SAPA