Kuphenywa ngombhalo emotweni yamaphoyisa

2013-02-04 10:01

Johannesburg - Amaphoyisa aphenya ngesigqebhezana esinamathisilwe emotweni yamaphoyisa, esinesithombe sesibhamu esiyi-rifle nesifundeka sithi - "You can run but you will die tired" (Ungabaleka kodwa uyofa ukhathele).

Iphephandaba iThe Star likhiphe lo mbiko ngoMsombuluko.

Okhulumela amaphoyisa aseNorth West uBrigadier Thulani Ngubane, uthi amaphoyisa athukile uma ebona lesi-sticker, sinamathiselwe emotweni yamaphoyisa.

"Sizokwenza uphenyo ngenhloso yokuthola ukuthi ngubani osebenzisa imoto lena, kuzobe sekuthathwa izinyathelo."

Umbiko uqhubeka ukuthi iveni yamaphoyisa lena, yabe ipakwe budebuduze nendawo yesehlakalo la kwadutshulwa khona abavukuzi basemayini yaseMarikana, mhlaka-16 Agasti.

UNgubane uthi akuvumelekile ukuhlotshiswa kwezimoto zamaphoyisa.

Umhlaziyi esikhungweni iSA Institute for Security Studies, uJohan Burger, uthi ukufakwa kwalesi sigqebhezana kuphambene nomthetho, uthi kwenzeke ngesikhathi esimbi la khona amaphoyisa ebhekene nekomidi likaFarlam, elizama ukuthola iqiniso ngalokho okwenzeka eMarikana.

"Kucacile ukuthi kukhona owephula umthetho ngokufaka lesi sigqebhezana, kukhona umlayezo ozama ukudluliswa isigqebhezana."



 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).



- SAPA

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 15-26°C Sunny. Warm. Pta: 17-27°C Passing showers. Morning clouds. Pleasantly warm.
Jhb: 12-22°C Rain showers. Mostly cloudy. Mild. Bloem: 14-27°C Showers late. More sun than clouds. Pleasantly warm.
Dbn: 17-18°C Rain showers. More clouds than sun. Cool. PE: 15-19°C More sun than clouds. Mild.
Isibikezelo sezulu sezinsuku ezingu-7...