Kuphahlazeke indiza ye-SANDF eDrakensburg
2012-12-06 10:00
Johannesburg - Kutholakale izicucu zebhanoyi loMbuso eliphakahlazekile eDrakensberg, ngaseLadysmith, KwaZuli-Natal, kusho umbiko wabakwaSA National Defence Force, ngoLwesine.
Indiza lena ibilibangise eMthatha, isuka enkambini iWaterkloof, ePitoli, kusho umkhulumeli weSANDF uXolani Mabanga.
"Ngaziswe ngokutholakala kwendiza, imininigwano eminingi ibingakatholakali. Ngikhulume kafushane nethimba elisendaweni yesehlakalo," kusho uMabanga.
Kuthunyelwe izindiza zoMbuso endaweni yesehlakalo, nokho ukuthungathwa kwabantu kumisiwe ngenxa yesimo sezulu esingesihle.
Abatakuli abahamba ngezinyawo bayathungatha eLadysmith, enhla nesifundazwe iKwaZulu-Natal.
Abezindaba ze-Algoa FM babike bathi indiza lena ihlangabezane nenkinga yenjini, kuthiwa bebengu-11 abantu ebebephakathi.
– Landela Izindaba News24 kuTwitter
(@IzindabaNews24).
- SAPA