Kunokuthula KwaMashu - Amaphoyisa
2012-12-05 12:03
Durban - Kunokuthula elokishini laKwaMashu, esigcemeni sakwa-A, ngemuva kokuthi kubanjwe ukhetho lokuchibiyela ngoLwesithathu.
Okhulumela amaphoyisa uLieutenant Colonel Vincent Mdunge uthe akukho zigameko ezibikiwe ezihambisana nodlame lwezombusazwe.
Alinganiselwa ku-133 amaphoyisa abetshalwe ku-Ward 39, ohlaselwe yizigameko zokubulana phakathi kwabalandeli beNkatha Freedom Party nabeNational Freedom Party.
Amaqembu abhekane ngeziqu zamehlo kusukela ngenyanga ka-Agasti, okungenani ayisihlanu amalungu e-IFP asebulewe, kwabulawa nendodana yomholi we-NFP.
I-ward ibiphethe yikhansela leNkatha uThemba Xulu, owabulawa kwatholakala isidumbu sakhe eNanda, mhlaka-7 Okthoba.
UXulu wabe ekade ethunjwe emzini wakhe, ezinsukwini ezimbili ezedlule.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela Izindaba News24 kuTwitter
(@IzindabaNews24).
- SAPA